Khrih Ka Caah

Thawngttha cu Pathian a kan dawtnak kong asi. Jesuh Khrih kan caah vawlei ah a rung tum i, kan caah, a nunnak a pek. 

 

Jesuh Khrih na Bawi le na khamhtu ah na cohlan a herh. Misual na si kha cohlang law, na sualnak kha i ngeih chih. Cun Jesuh Khrih vailamtah cungah an tuahpiakmi kha zumhnak in cohlang.

 

Rom 10:9 nih "Nan kaa in 'Jesuh cu Bawipa asi' tiah nan ti i 'amah cu Pathian nih mithi hna sinin a thawhter' tiah nan lung in nan zumh ahun, khamh nan si lai" ati. 

​

Nangmah sual ngeihthiam nak ding caah, vailam tah cungah Jesuh nih ha sualnak man a pek dih. Cu vailamtah cungah cun, na nunchung sualnak (a hlan, atu, hmailei) vialte a thianh dik. Jesuh khrih a dinnak kha kan i hrawm i, zungzal nunnak kan ngei. Hihi kan mah tuah nak asi lo, Pathian tuahnak asi. 

 

Efesa 2:8-9 nih "Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si. Hi kongah hin nan i porhlawt khawhmi zeihmanh a um lo, zeicahtiah nanmah tuannak thawngin nan hmuhmi a si lo" ati.

​

Mi tampi cu Jesuh sin an kal hlan ah, that hmasat an i tim. Si lo, that hi kan mah te lawng in kan tuah khawh mi asi lo. Bawpa nih na sining tein a sin rat kha a duhimi cu asi. Nangmah tein naa remh kho lo, hihi cu Thiangthlarau rian asi, an bawmh lai. Zeitindah khamhnak tak tak ka hmuh tiah kan theih khawh lai? Kan nun thlennak in kan theih khawh lai. Khamhnak kan hmuh taktak ahcun, kan nun aa thleng lai. Nunnak thar kan ngei lai.